ՍՄԱՐԹ հաշիվն ամբողջությամբ առցանց` առանց Բանկ այցելելու, բացվող բանկային հաշիվ է, որի արդյունքում հաճախորդին վերջինիս ցանկությամբ տրամադրվում է նաև անվճար Visa Classic կամ Mastercard Standard տեսակի միջազգային վճարային քարտ և Օնլայն բանկինգ համակարգ, որի միջոցով 24/7 ռեժիմով վերջինս կարող է կառավարել իր հաշիվներն ու կատարել հասանելի գործարքներ:

Առցանց եղանակով ՍՄԱՐԹ հաշիվ կարող եք բացել Ձեզ հարմար ցանկացած օրերին և ժամերին: Բանկի կողմից Ձեր հաշվի բացման հայտը կհաստատվի հետևյալ պարբերականությամբ`

  1. Երկուշաբթիից –ուրբաթ ժամը 9:30-20:00 և շաբաթ օրը ժամը 9:30-16:00 ուղարկված հայտերը` առավելագույնը 10 րոպեում
  2. Կիրակի և այլ ոչ աշխատանքային օրերին ու ժամերին ուղարկված հայտերը` հաջորդ աշխատանքային օրը առավելագույնը մինչ ժամը 10:00-ը:

ՍՄԱՐԹ հաշիվ կարող եք բացել անգամ արտերկրից: Ընդամենն անհրաժեշտ է ունենալ`

  1. Հայաստանի Հանրապետության անձը հաստատող փաստաթուղթ` անձնագիր կամ նույնականացման քարտ
  2. սոցիալական քարտ
  3. ինտերնետի հասանելիությամբ սմարթֆոն կամ վիդեոխցիկով ապահովված համակարգիչ

Ձեր ՍՄԱՐԹ հաշվով առանց սահմանափակումների բանկային ծառայություններից օգտվելու համար անհրաժեշտ է անցնել ամբողջական նույնականացում հեռահար եղանակով՝ վիդեոզանգի միջոցով կամ Բանկի ցանկացած մասնաճյուղ այցելելով: Վիդեոզանգ ամրագրելու համար Ձեզ հարկավոր է մուտք գործել Օնլայն բանկինգ համակարգ, գլխավոր էջում սեղմել «Սահմանափակ» կոճակն ու բացված էջում ընտրել վիդեոզանգի համար նախընտրելի օր և ժամ:

Իհարկե, Դուք կարող եք դիմել Օնլայն վարկի համար https://onlineloans-am.ameriabank.am/ հղումով:

Ներկա պահին հեռահար եղանակով ՍՄԱՐԹ հաշիվ կարող են բացել բացառապես ՀՀ ռեզիդենտ քաղաքացիները:

ՍՄԱՐԹ հաշիվը և պատվիրված վճարային քարտը կարող եք համալրել Ձեզ նախընտրելի հետևյալ եղանակներով`

Վիդեոզանգը Բանկի օպերատորի միջոցով Ձեր անձի լիարժեք նույնականացման նպատակով իրականացվող տեսաձայնագրման հնարավորությամբ զանգ է: Վիդեոզանգի միջոցով անցնելով ամբողջական նույնականացում՝ Դուք կարող եք հեռահար եղանակով Ձեր սահմանափակ հասանելիությամբ հաշիվը դարձնել լիարժեք, ինչպես նաև ակտիվացնել Ձեր վճարային քարտը: Վիդեոզանգի օրն ու ժամն ամրագրում եք Դուք `ՍՄԱՐԹ հաշվի հայտի լրացման ընթացքում:

Սահմանափակ հասանելիությամբ ՍՄԱՐԹ հաշիվ բացելիս Բանկը համադրում է Ձեր կողմից Բանկին տրամադրված տվյալները (այդ թվում նաև անձնագրային տվյալները, լուսանկարը և այլն) Բանկին հասանելի տվյալների հետ: Սահմանափակ հասանելիությամբ ՍՄԱՐԹ հաշիվը լիարժեք դարձնելու համար Դուք անցնում եք լիարժեք նույնականացում վիդեոզանգի միջոցով` պատասխանելով Ձեր ինքնության և գործարար բնութագրի վերաբերյալ պատշաճ պատկերացում կազմելու համար անհրաժեշտ հարցադրումներին: